هەواڵی کوردستان ئێستا

شەفەق نیوز/ فرووش بانک ناوەندی عراق وە دۆلار ئەمریکی لە ماوەی هەفتەی گوزەشتە کە ئەرا ماوەی چوار رووژ زیادکردنەگە واز کردیە، زیاتر لە یەک ملیار دۆلار بویە.

 پەیامنێر ئاژانس شەفەق نیوز وت: بانک ناوەندی لەو ماوە بڕ یەک ملیار و 91 ملیۆن و 173 هەزار و 642 دۆلار فرووشتیە، وە رێژەی رووژانە 272 ملیۆن و 793 هەزار و 410 دۆلار، کە یەیش زیایبوینە وەچەو هەفتەی گوزەشتە کە  فرووشتن یەک ملیار و 88 ملیۆن و 321 هەزار و 474 دۆلار توومار کرد.

 بەرزترین فرووش دۆلار لە رووژ پێەجشەممە بویە کە 276 ملیۆن و 669 هەزار و 520 دۆلار بویە، کەمترین فرووشیش لە رووژ سێشەممە توومار کریا کە 268 ملیۆن و 96 هەزار و 834 دۆلار بویە.

  پەیامنێرمان وتیش: فرووش حەواڵەی دەرەکی لە ماوەی هەفتەی گوزەشتە یەک ملیار و 29 ملیۆن و 621 هەزار و 642 دۆلار بویە، کە وەریژەی 94% زیایکردگە وەچەو فرووش نەختینەیی کە 61 ملیۆن و 552 هەزار دۆلار بویە.