هەواڵی کوردستان ئێستا

شەفەق نیوز/ هەرلە ئەحمەد وەحیدەتی وەزیر ناوخوەی ئیران و فەهد یوسف وەزیر ناوخوەی کوێت، ئمڕوو دووشەممە، رەسینە بەغدای پایتەخت عراق.

سەرچەوەیگ ئەمنی ئەرا ئاژانس شەفەق نیوز وت: هەردوگ وەزیر رەسینە بەغداد ئەرا بەشداریکردن لە کۆنگرەی هەرێمی ناودەوڵەتی بەغداد ئەرا دژە هووشبەری.

وەزیرەیل ناوخوەیی دەوڵەتەیل هاوسا و دەوڵەتەیل ترەک بەشداری لە کۆنگرەگە کەن، وەگورەی عەمید موقداد میری قسەکەر وەزارەت ناوخۆی عراق.

وەرجەیە، میری وت: وەزارەتەگە توەنستیە وەماوەی شەش مانگ گوزەشتە دەس وەبان بڕیگ مادەی هووشبەر بنەێد کە بڕەگەی رەسیە یەک تەن و822 کیلۆگرام لە کریستال ت تێامۆڵ و تلیاق و ئەفیون و هیرۆیین و کۆکایین، کە داوەزیانیگ وە ریژەی 4% لە تاوانەیل هووشبەری توومار کرد وەچەو یەکەمین شەش مانگ لە ساڵەگە، و هەمیش 7,705 توومەتبار وە تاوانەیل هووشبەری دەسگیر کریان.