بانک ناوەندی زیاتر لە 300 ملیۆن دۆلار فرووشێد
پەیامنێر ئاژانس شەفەق نیوز وت: ئمڕوو بانک ناوەندی لە زیایکردنەگەی بڕ 274 ملیۆن و 637 هەزار و 912 دۆلار فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاکردن ناودەوڵەتی ئەرا کارت ئەلیکترۆنی فرووشت، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە شیوەی کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 267 ملیۆن و 637 هەزار و 912 دۆلار بویە، کە وەریژەی 97% زیادیکردگە وە بەراورد وە فرووش کاش کە 7 ملیۆن و 50 هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، لە وەختیگ شمارەی ئەو بانکەیلە کە وەڵام داواکارییەیل بەرزکردن باڵانسەیل دانە لە دەیشت وڵات رەسیەسە 14 بانک، و بڕ گشتی ئەو کۆمپانیایلە ئاڵوگۆڕ و دەڵاڵیە مە بەشداریی لە زیایکردنەگە کردنە 10 بانک بویە.
