هەواڵی کوردستان ئێستا

شەفەق نیوز/ عامر عەبدولجەبار ئەندام ئەنجومەن نوێنەرەیل وەرین، ئمڕوو یەکشەممە، خەرج گلەوداین 50 هەزار دزەکەر پاکستانی لە عراقەو ئەرا وڵاتیان، وە نزیکەی 50 ملیۆن دۆلار ئەمریکی دیاری کرد.

 عەبدولجەبار لەبان پلاتفۆرم ئێکس نویسان: 50 هەزار پاکستانی لەناو عراق مەنیەسەو، و هیزە ئەمنیەیل تەنیا 31 لەلییان دەسگیر کردنە، و پرسیار کرد ئایا چوار ساڵ چەوەڕی بکەیمن تا گشت ئەو دزەکەرەیل پاکستانیە دەسگیر بکەیمن؟

 

وتیش: ئەگەر خەرج گلەوداین یەک دزەکەر ئەرا وڵاتی 100 دۆلار بوودر خو خەرج گشتی رەسێدە نزیکەی 50 ملیۆن دۆلار.

 

رووژ جمعەی گوزەشتە، سەرچەوەیگ لە پولیس عراق، خەوەردا لە دەسگیرکردن 33 پاکستانی ڤیزای وەناوهاتن نیرن، ئەوەیش لەناو مەزاگەی شێخ عەبدولقادر گەیلانی ناوڕاس بەغداد پایتەخت.

 

وەرجەوە، شودری سالک حسێن وەرپرس کاروبار ئاینی پاکستان، راگەیان کە 50 هەزار پاکستانی دویای چگنیان ئەرا عراق لە ماوەی ساڵەیل گوزەشتە گلەو نەخواردنە.