هەواڵی کوردستان ئێستا

بەڕێوەبەری گشتیی چاکسازیی هەرێمی کوردستان بە کەناڵ8ی راگەیاند، کچێکی 16 ساڵان کە بە ماددەی 7ـی خێزانی راگیرابوو، لە بەڕێوەبەرایەتیی چاکسازیی سلێمانی هەڵهاتووە. ئیحسان عەبدولرەحمان بەڕێوەبەری گشتیی چاکسازیی هەرێمی کوردستان بە کەناڵ8ـی گوت، کچێکی تەمەن 16 ساڵان کە بە ماددەی 7ـی یاسای بەرەنگاربوونەوەی توندوتیژی خێزانی راگیرابوو لە بەڕێوەبەرایەتی چاکسازی سلێمانی هەڵهاتووە. بەڕێوەبەری گستی چاکسازیی هەرێمی کوردستان ئاماژەی بەوەشکرد، ئەو کچە لەسەر سکاڵای خێزانەکەی دەستگیرکرابوو. رۆژی 20ـی شوباتی 2024، زیندانییەک لە کاتی چارەسەرکردنی لە نەخۆشخانەی فریاگوزاری کەلار لە ئیدارەی گەرمیان، لە دەست تیمەکانی پۆلیس هەڵهات و دوای رۆژێک دەستگیرکرایەوە.