هەواڵی کوردستان ئێستا

خاتوون "فەوزیە بەشارەت"   ڕومان نووس بیجاڕ گەڕووس وەک یەکەمین ژن بیجاڕ لە وەزارەت ڕوشنبیری و لاوان (وزارت فرهنگ و ارشاد) هەریم کوردستان لە هەولێر دیدارێ داشتگن وەرد وەزیری ڕۆشنبیری و لاوان حەمەی حەمەسەعید.

دەێ دیدارە خاتوو فەوزیە بەشارەت قسە و باس شێوەزار گەڕووسی کرد و خوەێ وە بەختەوەر زانست کە وە زوان داڵکی دنۆسێ و  جناب وەزیریش پێشوازی کرد لە شێوەزاری گەڕووس. 

شایان باس کە دەێ دیدارە جەخت(تەئید) لە سەر نۆسین وە شێوەزارە کوردی گەڕووسی لە لاێن خاتوون فەوزیە بەشارەت دوپاتەوە بیەو ئوو دومین ڕومانیش هەر وە کوردی گەڕووسی ئامادەێ چاپە.

فەوزیە بەشارەت، چیروک نۆس و ئەندام بنەکی ئەنستیتو زانست زاگروس، سال 1970 لە  شار بیجاڕ گەڕووس وە دی هاتگەو ئێسەیش نیشتەجی شار سنەس. تا یەمە سێ کتاو ڕومان چاپ کردگە:

۱.سەرچوپی ئاگر لە ڕیخەسیە، یەکم کومەڵە چیروک، ۱۳۹۷، گوتار؛

۲. هورمسگەگان ژنێگ،  ساڵ ۱۳۹۹ وە پشتیوانی شارکتاو بیجاڕ چاپ و وڵاو بییەو ئوو خاتوو مەستوورەێ دڕەخشی وە ناو «اشک‌های یک زن» لە لاێن نەشر ئەفراز تاران وە فارسی ئەڵگەردانگە؛

۳. سەماێ چارەنۊس ساڵ ۱۴۰۰ لە لاێن نەشر گوتار چاپ بۆیەو خاتوو «هدیەێ مەسرووری» وە فارسی تەرجمەێ کردگە.   

- بیجاڕ، ئاخرین شار لە خوەرنشین کوردستانەو وە  بنزوان گەڕووسی که پەلێ دە کوردی پاڵەوانییە قسە دکەن و یەکایەک جوور کوردی فەیلی/ ئیلامییە. لەێ سێ دەیە شاعران و نووسەران پایەبەرزێ سەر هێزدانەو خزمەت گەوراێ وە چیرووک، شێعر، وشەنامە، ئەدەب زاڕووانەێ ئی بنزوان ئەسڵەمەنە کردنە جوور: 

جافەر سریش ئابادی، پاکڕەوان رەزا سوهرابی، زانا( عەلیرەزا قاسمی فەڕ)، حەسەن مێعمار، بەهمەن قەرەداغی،  فرشتەێ شەریفیان، مازیار حەسەنعەلی، ماشالا فەرمانی، محەمەد رەزا ڕەحیمی ڕزوان، ئەسغەر ئاهووان، جەمشید فەرجوەند فەردا.