English | عربي

ئەردۆغان هەڕەشە دەکات: دوای هەڵبژاردن باجێکی قورستان پێ دەدەم


ئەردۆغان هەڕەشە دەکات: دوای هەڵبژاردن باجێکی قورستان پێ دەدەم

2019/03/25 | 11:05

(هەواڵ كوردستان)-

 

سەرۆک کۆماری تورکیا هەڕەشە لە بانکەکان دەکات و رایدەگەیەنێت، کە دوای هەڵبژاردن، ”باجێکی قورس“یان پێ دەدات.

 

بەپێی هەواڵی میدیا تورکییەکان، رەجەب تەییب ئەردۆغانی سەرۆک کۆماری تورکیا، لە ئیستەنبوڵ رایگەیاندووە، ئەو بانکانە هەوڵی نانەوەی پشێویی ئابووری دەدەن و داوای کڕینی دۆلار لە خەڵکی دەکەن و ئەمەش دەبێتە هۆی دابەزینی بەهای لیرە.

 

رەجەب تەییب ئەردۆغان هەڕەشەی کردووە و رایگەیاندووە، ”هەمووتان دەناسین، دوای هەڵبژاردن باجێکی قورستان پێ دەدەین“.

 

هەروەک ئابووریناسانی تورکیا باسی دەکەن، دابەزینی بەهای لیرەی تورکی ئەگەری هەیە ببێتە هۆی پاشەکشەی بەرچاوی ئەردۆغان و پارتەکەی (پارتی داد و گەشەپێدانی دەسەڵاتدار) لە هەڵبژاردنی شارەوانییەکانی تورکیا، کە بڕیارە رۆژی 31ـی ئەم مانگە بەڕێوە بچێت.

 

ئێستا لە بازاڕەکانی دراو، بەهای 100 دۆلاری ئەمریکی گەیشتووەتە 567 لیرەی تورکی.








نیشانەکردن



زۆرترین






ڤیدیۆ- وێنە





Trending