هەواڵی کوردستان ئێستا

شەفەق نیوز/ فەرماندەیی ئۆپراسیۆنەیل جەزیرە ـ حەشد شەعبی ، ئمڕوو چوارشەممە، راگەیان وڵاتە یەکگرتگەیل ئەمریکا دویەشەو لەری درۆنەوە گورز وشاننە و باکور پارێزگای بابل کردنەسە ئامانج لەئەنجام 4 لە ئەندامەیل حەشد شەعبی بوینەسە قوربانی لەناویانیش فەرماندە "ئەبو حەسەن"هەس.

فەرماندەیی ئۆپراسیۆنەیل ئمڕوو لە بەیاننامەیگ راگەیان، " لە ساعەت  22:00 ئیوارەی رووژ سێشەممە بروار 30/7/2024 بنکەی سەر وە لیوای 47 فەرماندەیی ئۆپراسیۆنەیل جەزیرە لە حەشد شەعبی  رویوەروی سێ گورز  ئاسمانی بوی وەلایەن فرۆکە بی فرۆکەوانەیل ئەمریکا لەناوچەی سەعیدات لەناحیەی جەرف ئەلنەسڕ لە پارێزگای بابل".

 وەپای بەیاننامەگە لە ئەنجام پەلامارەگە  چوار کەس بوینەسە قوربانی لەلیوای  47 هەریەک لە : فەرماندە  ئەحمەد نەجم عەبدولزەهرە  ( ئەبو حەسەن )، حسێن كەريم كازم ئەلدراجی، حەيدر حەسن حسێن ئەلسەعدی، عەلی سادق عومران ئەلموسەوی".