هەواڵی کوردستان ئێستا

شەفەق نیوز / ئمڕوو چوارشەممە، دەزگای حەشد شەعبی داوا لە دەسەڵاتدارەیل عراق کرد بڕیاریگ "کوتپڕ" بیەن ئەرا دەرچگن هیزە بیانییەیل لە وڵاتەگە، یەیش دویای پەلامارە ئاسمانییەیل هیزەیل هاوپەیمان ناودەوڵەتی وە سەرۆکایەتی  ئەمریکا لە باکوور پارێزگای بابل، کە لە ئەنجامی شمارەیگ چەکدار کەفتنە قوربانی.

 دەزگاگە لە بەیاننامەیگ وت: “ئەو ئۆپەراسیۆنە دڕندەیلە کە دژ هیزەیلمان لە حەشد شەعبی لە باکوور پارێزگای بابل ئەنجامدریا، داوا لەلیمان کەێد گشت وەرپرسیارێتییە نیشتمانی و یاسایی و ڕەوایلمان لە وەرگریکردن لە سەروەری و کەرامەت عراق، و ئەرا یەکخستن تەقەلایل تا بڕیاریگ دەسوبەجێ بدرێد وەرد دەرچگن هیزە بیانییەیل لە وڵاتەگەمان”.

وتیش؛ "ئی پەلامارە هاووەخت بوی وەرد ئەو ئۆپەراسیۆنە تاوانکارییە وەلایەن قەوارەی داگیرکەر وە تیرۆرکردن ئیسماعیل هەنیە، وەرپرس مەکتەب سیاسی بزووتنەوەی حەماس و ئاشکراکردن پلان دوژمنەیل ەە ئاگرداین ناوچەگە و فراوانکردن بازنەی جەنگ و دەسدرویژی ئەنجامدریا". "

قسەکەر سەربازیی فەرماندەی گشتی هیزە چەکدارەیل عراق، محمد شیاع سودانی، ئمڕوو چوارشەممە راگەیان: هیزەیل هاوپەیمانان "تاوانبگ قیزەون و پەلاماریگ ئاشکرا" لە باکوور بابل ئەنجامداگە، پەیمان دا وە ئەنجامدان یاسایی و دیپلۆماسی گونجیاگ ریکارەیل "مقیەتیکردن مافەیل."

 وەرپرسیگ ئەمریکی ئمڕوو چوارشەممە، راگەیان کە هیزەیل وڵاتەگەی وە پەلاماریگ ئاسمانی، چەکدارەیل پارێزگای بابل عراق کردنە ئامانج کە تەقەلا دانە درۆن کل بکەن و هەڕەشە لە هیزە ئەمریکییەیل و هاوپەیمانی ناودەوڵەتی بیەن، لە ئەنجامدی چوار ئەندام هیزەیل حەشد شەعبی کوشیان.