هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە مردن  و زەخمداریبوین سێ کەس وە رویداویگ هاتوچوی و توومارکردن حالەتیگ دزیکردن و دەسگیرکردن دوو کەس لەوەر وردەوردە لە بەغدای پایتەخت.

سەرچەوەگە وە ئاژانس شەفەق نیوز  خەوەردا "مناڵیگ گیان لەدەسداس و داڵگ و براگەی زەخمداربویە لەئەنجام کۆنترۆل ماشین لەدەسدان وە خوارکەفتن ماشینەگەی لەبان پیەل بازاڕ ناوەندی لە بەغداد".

سەرچەوەگە وتیش "سێ کەس لەناو ماشینیگ مەدەنی، شەوەکی ئمڕوو، ماتۆڕسکیل مەدەنیگ دزینە، لەدویای تێبینی  کردنیان وەلایەن هێزەیل پۆلیس  دوانیان واینە، و ماتۆرسکیل دزەگە وایە و لەیەکەودایە وەگەرد دەوریەیل سەربازی لە ئەنجام تویش زەخمداری هات و لەناوچەی قادسیە دەسگیرکریا".

لە رویداویگ ترەک، وردەوردە ناوەین بڕە کەسیگ کە هووکاری نەزانریاگە، رەسیەس ئەرا وەکارهاوردن چەک سوک لەناوچەی عەرەب جبور لە دەورە، دوو کەس زەخمداربوین، و هێزە ئەمنیەیل دوان ترەک دەسگیرکردن.