هەواڵی کوردستان ئێستا

شەفەق نیوز/ گرووپ "الثوريون" کە ناو خوەی نەێد وە وەرخودان ئیسلامی لە عراق، ئمڕوو سێشەممە، وەرپرسایەتی خوەی لەو پەلامار مووشەکیە راگەیان کە داد لە سەربازگەی عەین ئەلئەسەد لە پارێزگای ئەنبار، کە بویە هوکار شمارەیگ سەرباز ئەمریکی.

  

ئەو گرووپە لە بەیاننامەیگ کە ئازانش شەفەق نیوز نەڕەسیە راسیەگەی، وت: وەئامانجکرتن سەربازگەی عەین ئەلئەسەد سەروە داگیرکەر ئەمریکی خوەرئاوای عراق راگەینیمن وە چەن مووشەکیگ و فڕۆکەی بێفڕۆکەوان، شەو دووشەممە.

وتیش: ئەوەسا پەلامارەیلی وە توانای بەرز و وەردەوام بوود تا دەرچگن دویاترین سەرباز ئەمریکی لە زەوی عراق.

وەرجەیە، سەرچەوەیگ ئەمنی ئەرا ئاژانس شەفەق نیوز وت: سەربازگەی عەین ئەلئەسەد خوەرئاوای پارێزگای ئەنبار کە هیزەیل ئەمریکی و راوێژکارەیل هاوپەیمان ناودەوڵەتی هانە ناوی، کەفتە وەر پەلامار مووشەک.

هەرلیوا، سەرچەوەیگ ئەمنی ئاگادار وت: پەلامارەگە وە 5 مووشەک ئامادە کریاوێد، وەلێ تەنیا دووانیان وەشیا.

 

ئاژانس رۆیتەرز لە زوان وەرپرسەیلیگ ئەمریکی وتن: پەنج سەرباز ئەمریکی لەلای کەمەو لەی پەلامارە زەخمدار بوین.