ئاسایش عراق کوڕیگ لە گرووپ قوربان لە موسەنا دەسگیر کەێد
سەرچەوەگە ئەرا ئاژانس شەفەق نیوز وت: لێکۆڵینەوە وەرد ئەوانەگ دەسگیرکریانە هیشت دەزگا ئەمنییەیل بتوانن شوین کوڕەگە بکەنە دی و دەسگیرکردن ئەنجام بیەن، کە سەر وەو گروپە بویە کە وەرجەیە ئەندامەیلی دەسگیرکریان.
وە قسەی ئەو سەرچەوە، لێکۆڵینەوە وەرد کوڕە گەنجەگە وەردەوامە ئەرا رەسین وە بندروس پەیوەندییەگەی وەو گروپە و دەسی لەو کارەیل گومانیبە کە ئەنجامی دەن.
رووژ 4 ئاب، پارێزگای میسان لە باشوور عراق خوەیکوشتن فرەیگ و وەئامانجگرتن ئەلیکترۆنی ژنەیل لەلایەن گروپ “القربان” توومارکرد.
سەرچەوەگە ئەرا ئاژانس شەفەق نیوز دیاری کرد کە “گرووپ ئەلقوربان لە ری ئینتەرنێت دەس کردنە وەئامانجگرتن خیزانەیل و بە شیوەیگ سەرەکی ژنەیل کەنە ئامانج، کە وەرجە چەن رووژیگ دوو خوەشک لە ناوەند پارێزگاگە خوەیان کوشتن، تەمەنیان لەناوەین بیس و سی ساڵان، یەکیگیان شوی و مناڵ دیرێد”.
لە 30 تەمموز، فەرماندەیی پولیس پارێزگای میسان، پویچەڵکردن ئەندامەیل گرووپ خوەیکوش “ئەلقوربان” ڕاگەیان.
سەرۆک پولیس میسان، لیوا لەفتە ئەلمحەممەداوی، لەو وەختە وت: “10 ئەندام گروپ بزووتنەوەی قوربان پویچەڵ کریا کە وە عەلاڵاهی ناسریاس، کە یەکیگە لە بزووتنەوە لادەرەیل فیکری، لە یەکیگ لە ناوچەیل پارێزگاگە و دەسگیرکریان”.
محەممەداوی وتیش: کە “ئەو خوەیکوشتنەیلو کە لەماوەی گوزەشتە پارێزگاگە و چەن پارێزگایگ ترەک لە ناو گەنجەیل توومار کردن، تیمیگ کار تایبەتمەن ئەرای دروس کریا ئەرا لێکۆڵینەوە و وەدویاچگن و گردەوکردن زانیاری لەبان ئەو بزووتنەوەی سەرهەڵداگە دویای گردەوکردن بەڵگە و چەودیاریکردن جموجویل و ڕەفتار بەشیک لەوانە گومان دروس کرد، گروپیک خریانە ژیر چەو کە لە یەکیگ لە ماڵەیل شاریگ نیشتوین”. بەش پولیس حەتین وە هاوبەشی دەزگای ئاسایش نیشتمانی، و دویای وەرگردن رەزامەنی دادوەری، چگنە ناو ماڵەگە و دە ئەندام ئی بزووتنەوە لەناو ماڵەگە دەسگیرکریان.
لە 15ی ئایار 2023، سەرچەوەیگ ناوخۆیی لە زیقار ئەرا ئاژانس شەفەق نیوز ئاشکرا کرد کە گروپیک کە خوەیان وە “قوربان” یا “عەلەڵاهی” ناسنن لە زیقار دەسکردنە کاریان، و زیڕە خستنەسە ناو مەردم دویای ئەوە کە یەکیگ لەلییان وە پەتیک خوەی هەڵوەسیە لە ناو یەکیگ لە دەسەیل حوسەینی.
ئی بزووتنەوە وەگورەی یاسایل عراق وە قەیەغەکریاگ دریەێدە قەڵەم، چوینکە ئایدۆلۆژیاگەی لە بنەمای خوەی قوربانی کردن دامەزریاس.
