English | عربي

14 كم رێیا به‌روه‌خت ل رێیا چه‌مه‌ى دێ هێنه‌ دروستكرن


14 كم رێیا به‌روه‌خت ل رێیا چه‌مه‌ى دێ هێنه‌ دروستكرن

2019/03/27 | 00:45

(هەواڵ كوردستان)- ئه‌ڤرۆ نيوز: زكرى به‌شیر، رێڤه‌به‌رێ كۆمپانیێن دارین و كاڤین گرۆپ د دیداره‌كێ دا بۆ رۆژناما ئه‌ڤرۆ دیاركر، پشتى دروستبوونا له‌هیێن ڤێ دووماهیێ گه‌له‌ك شه‌قامێن ل سنورێ قه‌زایێن پارێزگه‌ها دهۆك زیان به‌ركه‌فتیه‌، له‌وما وان په‌یوه‌ندى و هه‌ماهه‌نگى ل گه‌ل نڤیسینگه‌ها پارێزگارێ دهۆك كریه‌ و ل دوڤ رێنماییان دووباره‌ دێ ده‌ست ب دروستكرنا ڤان رێیان هێته‌ كرن دا بكه‌ڤنه‌ د خزمه‌تا وه‌لاتیان دا.

هه‌روه‌سا گۆت: من په‌یوه‌ندى ب قایمقامێن هه‌ر حه‌فت قه‌زایێن پارێزگه‌ها دهۆك كریه‌، هه‌روه‌سا وه‌كو كورێ ده‌ڤه‌رێ و هه‌ستكرن ب به‌رپرسیاریه‌تێ من په‌یوه‌ندى ب قایمقامێ قه‌زا مێرگه‌سوورێ ژى كریه‌ و رێیێن زیان گه‌هشتینێ دێ ب زویترین ده‌م هێنه‌ دروستكرن ڤه‌ و گۆت” هه‌ر ئه‌ڤرۆ ئامیرێن مه‌ یێن چێكرنا رێیان ل باتیفا و باگوڤا، ده‌ست ب دروستكرنا رێیێن به‌ر له‌هیێ كه‌تین هاتیه‌ كرن كو ل هه‌موو قه‌زایان، پارچێن رێیێ یێن به‌ر له‌هیێ كه‌تین دێ دروست كه‌ین.

سه‌باره‌ت رێیا رووڤیا – چه‌مه‌ى، زكرى به‌شیر دیاركر: ئه‌و رێیه‌ به‌رى پێنج هه‌یڤان ژ ئالیێ كۆمپانیا ( كاڤین كرۆپ) ده‌ست پێ هاتیه‌ كرن، سه‌ره‌راى دژواریا وه‌رزێ زڤستانا ئه‌ڤ ساله‌، به‌لێ ل 1/10/2018 ده‌ست پێ هاتیه‌ كرن و بۆ وێ یه‌كێ ب زویترن ده‌م بكه‌ڤیته‌ د خزمه‌تا وه‌لاتیان دا و ژبه‌ر كو رێیه‌كا گرنگه‌، مه‌ سوزدایه‌ سه‌رۆكێ حوكمه‌تا هه‌رێمێ كو ل نیڤا ده‌مێ خوه‌، ڤێ رێیێ ب دووماهى بینین كو ژڤانێ پرۆژه‌ى 900 رۆژن، 22 كم رێیا سه‌ره‌كى نه‌، 14 كم رێیا به‌روه‌خته‌ و ژ 7 ئوڤه‌رپاسان پێك دهێت، نوكه‌ كارێ كونكریتى 90% ب دووماهى هاتیه‌.

سه‌باره‌ت رێیا باتێل – گه‌لیێ زاخۆ، زكرى به‌شیر ئاماژه‌ ب وێ یه‌كێ كر : وه‌كو قوناغا دوێ كو 13 كم و كۆمپانیا دارین گرۆپ دروست كریه‌، به‌رى 18 هه‌یڤان ل هه‌مبه‌ر شوفێران هاتیه‌ ڤه‌كرن، كو ل وى ده‌مى ب تمامبوونا دو قاتێن قێرى و دا زێده‌تر گیرو نه‌بیت ل هه‌مبه‌ر شوفێران هاتبوو ڤه‌كرن و قاتێ سه‌ره‌كى یێ قێركرنێ مابوو، ئه‌وژى جوره‌كێ قێرى یه‌ كو ل سه‌رانسه‌رى عیراقێ نه‌هاتیه‌ بكارئینان كو دبێژنێ، ستون ماستیك و پولیمه‌ر، هه‌موو كه‌ل و په‌لێن وێ مه‌ ژ ده‌رڤه‌ ئینایه‌ و به‌رهه‌ڤكرینه‌، ب هه‌ماهه‌نگى ل گه‌ل رێڤه‌به‌ریا رێك و پرا، ل 1/4/2019 هه‌تا 15/4/2019 دێ ده‌ست ب دانانا وێ قاتێ سیێ یێ رێیێ هێته‌ كرن.








نیشانەکردن



زۆرترین






ڤیدیۆ- وێنە





Trending