هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو شەممە، خەوەردا کە کوڕ و دویەتیگ گیانیان لەدەسدان، لە ئەنجام پەلاماریگ چەکدار باکوور بەغدای پایتەخت.

سەرچەوەگە ئەرا ئاژانس شەفەق نیوز وت: کابرایگ چەکدار پەرد بویە ناو ماڵیگ لە کۆمەڵگەی ئیمام مووسای کازم، و تەقە لە کوڕیگ لەداڵگبوی ساڵ 200 و دویەتیگ لەداڵگبوی ساڵ 2002 کرد، و هەردوگیان جیوەجی مردن.

سەرچەوەگە وتیش: بکوشەگە لە کەسوکارەیل دویەتەگە بویە، دویای جیوەجیکردن تاوانەگە وەرەو شوین نادیاریگ وایە، وتیش: رویداوەگە گومان کریەێد پەیوەندی وە شەرەف بیاشتوود.