کوشیان ئەندامەیلیگ ئەمنی ئەفسەریگ پایەبەرز هاناویان وە رویداویگ هاتوچو باشوور بەغداد
2024-08-25 11:06:32 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان ئەفسەریگ پایەبەرز لە سوپای عراق، و ئەندامەیلیگ ئەمنی وە رویداویگ هاتوچو باشوور بەغدای پایتەخت.
سەرچەوەگە ئەرا ئاژانس شەفەق نیوز وت: رویداوەگە لەبان ری مەحموودیە باشوور بەغدای پایتەخت بویە هوکار کوشیان عەمید رەزاق خزەیر حمود ئەحمەد جبوری، فەرماندەی ئەندازیاری سەربازی فیرقەی 17.
وتیش: رویداوەگە هەمیش بویە هوکار کوشیان ئەفسەریگ ترەک وەپبەی نەقیب و ئەندامیگیش، و زەخمداری سێ ئەندام سوپا و هاتوچو.
سەرچەوەگە دیاری کرد کە زانیاریەیل سەرەتایی باس کەن کە ئەو قوربانیەیلە کەفتنە وەر رویداو تلیان وە ماشینیگ مارکەی تاهۆ مەزەنە کریەێد ماشین وەزارەت ناوخۆ بوود، لە مەوقەی هەڵگردن و لاوردن سیمویل دڕکین لە ری حەولی مەحموودیە.
