هەواڵی کوردستان ئێستا

شەفەق نیوز/ شارەزای کەشناسی عەلی جابر زیادی، ئمڕوو یەکشەممە، مەزەنە کرد پلەی گەرمی لە گشت ناوچەیل وڵاتەگە وە دوو پلە داوەزێد، ئەوەیش لەی دوو رووژ ئایندە، و مەزەنە کردیش ئەرا رووژ چوارشەممەی ئایندە داوەزیانیگ نوو بوود.

 

زیادی ئەرا ئاژانس شەفەق نیوز وت: شکیان گەرمیەگە دوو سوو سێشەممە، وە پلەیی بوود، وە جیاوازی دوو پلەی سەدی، و ئی داوەزینە لەوەر رەدبوین پارچە وایگ باکووری تیەێد.

 

وتیش: داوەزیانیگ ترەک لە رووژ چوارشەممەی ئایندە لە عراق بوود، وەرجەیەگ ریژەی گەرمەی لەپای 45 سەدی لە ناوڕاس وڵاتەگە گلەو بخوەێد، وتیش: لە سەرەتای مانگ ئەیلوول وە تایبەت دویادویای ئیواران کەشوهەوای نیمچە پاییزی گلەو خوەێد.

 

زیادی مەزەنە کرد لە رووژ پەنجشەممە و کۆتایی ئی هەفتە، شەپوولەیل گەرمی وەشیوەی گەورەیگ کەمەو بوود، لەوەر قویلەوبوین پارچە واگە، و توومارکردن ریژەی نزمیگ لە ئاست (41/43) پلەی سەدی لە شارەیل ناوڕاس، و کەمیگ بەرزترە لە باشوور.