هەواڵی کوردستان ئێستا

شەفەق نیوز/ فرووش دۆلار بانک ناوەندی عراق، ئمڕوو دووشەممە، زیاتر لە 275 ملیۆن دۆلار بویە لە زیایکردن ئاشکرای.

 پەیامنێر ئاژانس شەفەق نیوز وت: بانک ناوەندی لە زیادکردنەگەی بڕ 275 ملیۆن و 296 هەزار و 899 دۆلار فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاکردن ناودەوڵەتی ئەرا کارت ئەلیکترۆنی،  وە نرخ 1310 دینار فرووشت ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وەشیوەی کاش .

وتیش: فرەی فرووش دۆلار ئەرا قایمکردن باڵانسەیل دەیشت وڵات 

وەشیوەی هەواڵە و کرێدت چگە، کە بڕی 265 ملیۆن و 246 هەزار و 899 دۆلار بویە، کە وەریژەی 96% زیادیکردگە وەچەو فرووش نەختینەیی کە بڕی 10 ملیۆن و 50 هەزار دۆلار بویە.

 پەیامنێرمان وتیش: ئەو بانکەیلە کە دۆلار کاش سەننە یەک بانک بوی، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو  لە دەیشت وڵات رەسیەسە 16 بانک، بڕ گشتی کۆمپانیایل  ئاڵوگۆڕ و دەڵاڵی کە بەشداری لە زیادکردنەگە کردنە 11 کۆمپانیا بویە.