هەواڵی کوردستان ئێستا

شەفەق نیوز/ شانشین بەحرەین، ئمڕوو سێشەممە، ئاشکرا کرد کە 140 زیارەتکار لە هاوڵاتیەیلی لە کەربەلا گیر هاتنە، دویای چگنیان ئەرا زیارەت چلەی ئیمام حسێن وەشیوەیگ لی مووڵەت.

باڵیۆز شانشین بەحرەین  لە بەغداد وت: ئەو زیارەتکەرەیلە لە کاروانیگ بیمووڵەت گیر هاتنە، و دەسوەبان پاسپۆرتەیلیان نریاس چوینکە خاوەن کاروانەگە پویل کرای دوو هوتێل نەیاس کە رەسێدە 15 هەزار دینار بەحرەینی (40 هەزار دۆلار) و خوەییش دیاری نییە، کە خاوەن هوتێلەگە دەسناسە بان پاسپۆرت زیارەتکەرەیل بەحرەینی.

وتیش: باڵیۆزخانەگە پاسپۆرتەیل ئەو هاوڵاتیەیلە کە لە کەربەلا گیر هاتنە گلەو داس، دویای هەماهەنگی وەرد وەزارەت دەیشت بەحرەین و وەزارەت ناوخوەی عراق، و دریانە دەس خاوەنیان تا گلەو بخوەن، وەگورەی رووژنامەی "الوطن" بەحرەینی.