لە یەکەمین رویداو وەماوەی چەن ساڵیگ.. رفیان رانندەی ماشینیگ باشوور کەرکوک
2024-08-28 10:20:07 - سەرچاوە: شەفەق نیوز
شەفەق نیوز/ سەرچەوەیگ ئەمنی لە پارێزگای دیالە، ئمڕوو چوارشەممە، خەوەردا لە رفیان رانندەی ماشینیگ لەبان ری بەغداد - کەرکوک لە یەکەمین رویداو رغیان لەبان ئی ریە ئەرا ماوەی چەن ساڵیگە.
سەرچەوەگە ئەرا ئاژانس شەفەق نیوز وت: رانندەی ماشینیگ "GMC" کە لەبان ریەگە کار کەێد وەشیوەی نادیاریگ شوینی نەمەن، و ماشینەگەی لە کەنار ریەگە لە ناوەین قەزای خاڵس و ناحیەی عزێم سەبا کریا.
وتیش: دەزگایل ئەمنی رەسینە زانیاریەیایگ سەرەتایی کە کەسەیلیگ نەناسیای رفاننەسەی و داوای پویل کەن.
سەرچەوەگە وتیش: رفیایەگە خەڵک کفریە لە قەزای کەلار.
ئی رویداوە یەکەمینە لەیجویرە ئەرا چەن ساڵیگە، کە سەردەم جەنگ مەزهەبی رووژانە لەبان ئی ریە مەردم رفیان.
