هەواڵی کوردستان ئێستا

شەفەق نیوز/ سەرۆک سەنتەری ستراتیژی  مافەیل مرۆڤ لە عراق، ئمڕوو شەممە، دووپاتکرد، زیایبوین رخبەریگ  لە حاڵەتەیل توندوتیژی خێزانی لە عراقدا هەی، وەپای ئەوەگ حاڵەتە تۆمارکریاگەیل لە ماوەی سێ ساڵ رەسیە ئەرا  53,889.

فازل ئەلغەراوی رووشنیکد، وەپای ئامارەیل ئەنجومەن دادوەری، شمارەی ئەو دادەیلە کەلەماوەی نیمەی یەکەم ساڵ 2024 توومارکریانە رەسیەس ئەرا 13,857

 داوای یاسایی، لەوەختیگ لە ساڵ 2023 نزیکەی 18436  داوای یاسایی توومارکریانە، لە ساڵ 2022 رەسیە ئەرا 12595.

 

ئەلغەراوی لە بەیاننامەیگ رەسیە ئاژانس شەفەق نیوز ئاشکەرایکرد، لە سێ ساڵ وەرین دەرچگە ڕێژەی دەسدرویژی پیاو وەبان ژن رەسیەس ئەا 75%ی کوو حاڵەتەکگن، لە وەختیگ دەسدرویژی ژن وەبان شوی رەسیەس 17%، دەسدرویژی داڵگ و باوگ وەبان مناڵ رەسیە  6%، و دەسدرویژی وەبان وەساڵاچگەیل رەسیە ئەرا  2%.

دیاریکرد، هووکارەیل بەرزبوین  رێژەی توندوتیژی خێزانی بریتین لە کەمی رشنهویری زەواج، گیچەل خێزانی و ئابووری، لاوازی ئیمانی ئایینی، بەد وەکارهاوردن ئامێرەیل پەیوەنیکردن و تووڕەیل کۆمەڵایەتی، زیایبوین حالەتەیل ناپاکی زەواجو بەرزەوبوین رێژەی وەکارهاوردن مادەی هووشبەر.

 

باس لەوەیشکرد، باوترین جویر توندوتیژی خێزانی لە ساڵ 2024 تونوتیژی جەستەییە، دویایی توندوتیژی سێکسی، و تونوتیژی زارەکی. دووپاتیش کرد فرەترین تاوانەیل تونوتیژی خێزانی کە لەماوەی نیمەی یەکەم 2024 توومارکریانە  لە پارێزگای بەغدا بویە، کە 31% بویە، کەمترین ڕێژەیش لە پارێزگای سەڵاحەدین بویە، کە 5% بویە.