هەواڵی کوردستان ئێستا

شەفەق نیوز/ فرووش بانک ناوەندی عراق وە دۆلار ئەمریکی لە ماوەی هەفتەی گوزەشتە، کە لەناوی زیایکردنەگە تا ماوەی چوار رووژ واز کرد، زیاتر لە یەک ملیار دۆلار توومارکردگە.

 پەیامنێر ئاژانسی شەفەق نیوز وت: بانک ناوەندی لەی ماوە بڕ یەک ملیار و 113 ملیۆن و 820 هەزار و 107 دۆلاری فرووشتگە، وەریژەی رووژانە 278 ملیۆن و 455 هەزار و 26 دۆلار. 

 وەگەرد ئەوەیش، فرووش بانکەگە وەچەو هەفتەی گوزەشتە کەمتر بویە و بڕی یەک ملیار و 135 ملیۆن و 635 هەزار و 274 دۆلار بویە.

 بەرزترین فرووش دۆلار لە رووژ سێشەممە بویە، کە بڕی 282 ملیۆن و 790 هەزار و 151 دۆلار بویە، رووژ پەنجشەممەیش کەمترین فرووشی توومار کرد کە 274 ملیۆن و 957 هەزار و 492 دۆلار بویە.

 فرووش هەواڵە دەرەکییەیل لە ماوەی هەفتەی گوزەشتە یەک ملیار و 79 ملیۆن و 970 هەزار و 107 دۆلار بویە، وەچەو فرووش کاش کە 33 ملیۆن و 850 هەزار دۆلار بویە، وەریژەی 97% زیای کردگە.