هەواڵی کوردستان ئێستا

شەفەق نیوز/ وەڕێوەبەرایەتی بەڕەنگاربوینەوەی تاوانەیل بەغداد، ئمڕوو یەکشەممە، خەوەردا لە دەسگیرکردن دوو توومەتبار کە کار دزی ئەنجامدانە لەدویای ئەوە وەگەرد مەفرەزە بەڕەنگاربوینە و تەقەکردنە.

وەڕێوەبەرایەتیەگە ئمڕوو لە بەیاننامەیگ وت، مەفرەزەیلیان توەنتنەدوو توومەتبار داواکریاگ وە پای مادەیل (443 ، 446)   دەسگیربکەن کە لە ناوچە جیاوازەیل کار دزی ئەنجامدانە.

وەپای بەیاننامەگە، ئۆپراسیۆن دەسگیرکردنەگە لەدویای ئەوەبوی زانیاری لەبان شوین توومەتبارەیل رەسیە مەفرەزەیلە، تیمیگ کارکردن هاوبەش لە مەفرەزەی نویسینگەی حەبیبیە و نویسینگەی ئەعزەمیە ئەرا بەڕەنگاربوین تاوان  دروسکریا ، لەدویای ئاخڵە دان ماڵەگەوتوومەتبارەیل تەقە لە مەفرەزەیل کردنە لەری تفەنگ و دەوانچە و  نارنجەگ وشاننە.

 

وتیش؛ وە هەمان شیوە جواو دریانە و کۆنترۆل کویچەگەکریاس و توومەتبارەیل دەسگیریان و دەسنریا وەبان تفەنگ و دوانچەیگ و ماتۆرسکیلیلەگەیان، کە ئەرا کار دزی وەکاریهاوردنە، دیاریکرد رێکارەیل یاسایی وەرانوەریان کرێد دریەنە دادگا تا سزای دادپەروەرانە خوەیان وەربگرن.