هەواڵی کوردستان ئێستا

شەفەق نیوز/ تەنیا 20 رووژ مەنیە و تاوسان وە تەواوی لە عراق تەواو بوود، وەگورەی نەخشەیل کەشوهەوا، لە وەختیگ پلەی گەرمی کەمکەم داوەزێد تا رەسێدە دویا 10 رووژ لەی مانگە، کە مەزەنە کریەێد ناوچەیل باکوور و خوەرئاوای عراق یەکەمین واران دویای نیمەی ئی مانگە بوارێد.

 

نەخشەیل نشان دەن کە ئمڕوو سێشەممە، کەشوهەوای جویر دویەکە دووشەممەس، و پلەی گەرمی لە ناوچەی باکوور رەسێدە ناوەین 39 تا 42 پلەی سەدی، و لە ناوڕاس ناوەین 41 تا 43 پلەی سەدی، و باشوور و فورات ناوڕاس ناوەین 43 تا 45 پلەی سەدی.

 

دویای 20 رووژ، لەروی فەلەکی تاوسان تەواو بوود، و مەوقەی هوونکی پاییز کەفێدە 9/22، و کەشوهەوای تاوسان دەسکەێدە وەدویاچگن وەگەرد دویاترین 10 رووژ لەی مانگە، مەوقەی ساعەتەیل شەو و شەوەکیان زوی.

مەزەنەیل نشان دەن کە ناوڕاس ئی مانگە یەکەمین پارچە وای سەرد لەی وەرز تاوسانە کاریگەری وەبان تورکیا داشتوود، و واران بوارێد، و کاریگەری ئەوە رەسێدە شام و ناوچەیل باکوور و خوەرئاوای عراق، کە گەرمی داوەزێد وەگەرد دەرفەت واران.