دەسگیرکردن کابرایگ وەرجە نۆ ساڵ ئەندامیگ ئەمنی کوشتیە
2024-09-06 10:10:07 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو جمعە، خەوەردا کە هیزیگ ئەمنی تایبەت توەنست داواکاریگ وە توومەت تیرۆر دەسگیر بکەێد، ئەوەیش لە بەغداد پایتەخت.
سەرچەوەگە ئەرا ئاژانس شەفەق نیوز وت: دەسگیرکردن ئەو توومەتبارە دویای خستن جویلەی وەژیر چەو، کە وەگورەی مادەی چوار تیرۆر داوا کریاس وە توومەت کوشتن ئەندامیگ پولیس لە ساڵ 2015 لە پارێزگای دیالە.
وتیش: لە ناوچەی ولدایە خوورهەڵات بەغدای پایتەخت دەسگیر کریا.
