هەواڵی کوردستان ئێستا

شەفەق نیوز/ کەشناس عراقی عەلی جابر زیادی وت؛  لەماوەی چوار رووژ ئایندە  پلەی گەرمی بەرزەوبوین وەخوەی دوینێد وە دوو پلەی سەدی، مەزەنەکرێد پلەی گەرمی لە ناوڕاس و باشوور وڵات لەناوەین 45 تا 47 پلەی سەدی  بوود. 

زیادی ئەرا ئاژانس شەفەق نیوز دیاریکرد، لە بڕیگ ناوچە مەوقەی  رووژ هەبوین وا هیلێد کەشوهەواگە زیاتر گەرم بوود.

وتیش، بارستە وایگ مامناوەن کە هەڵگر وای پایزییە لەرووژ پەنجشەممەی ئایندە تێدە ناو وڵاتەگە، لە رووژ جومعە قویڵەوبوود، وتیش ئێ بارستە هیلێد پلەی گەرمی داوەزیان وەخوەی بدوینێد  بڕەسێدە ناوەین 39 تا 41 پلەی سەدی، وە تایوەت لە بەشەیل خوەرئاوا و ناوڕاس وڵاتەگە.

زیادی مەزەنە کەێد لە وەخت شەوەکی هەس وە وایگ مامناوەن و پایزی بکرێد کە پلەی گەرمی ئەرا 27 پلەی سەدی داوەزنێد لە وەخت شەوەکی شەفەق.

زیادی دیاریکرد لە بڕیگ لە ناوچەیل باکوور لە رووژ سێشەممەی ئایندە دەرفت واران وارین هەس.