تا زیاتر 100 ساڵ ژیان کردنە.. زانایەیل مینەی مدووەیل تەمەن درویژی کەن
شەفەق نیوز/ شمارەی فرەیگ لە کەسەیل گەورەتەمەن زیاتر لە 100 ساڵ ژیەن، و پرسیاریگ لەبان نهێنی تەمەنیگ درویژ هەس، کە وەڵامەیلیان جیاواز بویە، یەیش سەختی لاساییکردن ئەزموون کەسیگ دیاریکریای لەی باوەتە چەسپنێد.
وەگورەی بڵاوکردن رزوژنامەی "دەیلی مەیل" بەریتانی، جۆن تینیسودی تەمەن 112 ساڵ وتیە: خواردن ماسی و پەتاتەی برشیای پەیوەندی وە تەمەن درویژییەگەیەو دیرید، و خواردنی چشتەیل بە ریژەیگ مامناوەند، و وەرگردن تاقەبەشیگ لە ماسی پەتاتەی برشیای گشت رووژیگ.
وەلێ ماریا برانیاس مۆریرای ئیسپانی - کە وەتەمەنترین کەس جەهان بوی تا مردنی لە سەرەتای ئی مانگە - مدوو تەمەن درویژییەگەی ئەرا ئەرێنی و پەیوەندییگ خاس وە خیزان و سروشت و "دویرکەفتن لە کەسەیل ژەهراوی و سەقامگیری سووزداری" گلەو دا.
خوان ڤیسێنتی پێرێز مۆرا، پیرترین پیاو وەرین جەهان، کە لە تەمەن 116 ساڵی مرد، تەمەی کرد کە سیستەم خوەراک هوکار سەرەکییە.
بەڵام وە قسەی پرۆفیسۆر ڕیچارد فاراگەر، پسپۆڕ زانستید پیری لە زانکۆی برایتۆن، تەقەلا ئەرا پەیڕەوکردن شیواز ژیان وەتەمەنترین کەسەیل جەهان هاتێ بیخود بوود، یا لە بەدترین ئەگەر وە شیوەیگ فرە زیانبەخش بوود.
تا ئیسە شارەزیل وە تەواوی دڵنیا نیین ئەڕاچە بەشیگ کەس توانای ژیانیان ئەوەنە درویژە، بەڵام فەراگەر ئاشکرا کەێد کە دوو مدوو ئەگەریان هەس کە لەیەکتر جیایان نەکردەو، یەکەمیان ئەوەسە کە ئی کەسەیلە لە روی بۆماوەییەو جیاوازن و دویەمیان ئەوەیە کە بەخت دیرن.
شارەزایل ئویشن نەبایەس ئامۆگززژگارییە تەندروسیەیل ئەرا وەساڵاچگەیل جەهان جیوەجی بکریەن، چوینکە دیار نییە ئەو ئامووژگارییە دەسمیەتی بەێد.
وەگشتی چ بۆماوەیی بوود، چ بەخت، یا تێکەڵەیگ لە هەردوگیان کە بویەسە مدوو ئەوە کە ئی کەسەیلە تا ماوەی فرەیگ لە ژیان بمیننەو، فەراگەر ئویشێد نەبایەس پابەند ئامووژگارییەگانیان بوود.
لە کۆتایی پسپۆڕەیل ئویشن خاسترین ری ئەرا زیایکردن چەن ساڵیگ وەبان ژیاند ئەوەسە کە چارەسەری ئەو هوکارە سادانەس کە کاریگەری لەبان تەندروسید دیرن جویر خوەراک و وەرزشکردن، نەک پەیڕەوکردن ئامووژگارییە فرە تایبەتەیل.
