هەواڵی کوردستان ئێستا

شەفەق نیوز/ وەڕێوەبەرایەتی گشتی هەواڵگێری و ئەمن وەزارەت وەرگیری عراق،  ئمڕوو دووشەممە، دەسگیرکردن (11) داواکریاگ وە توومەتەیل بازرگانیکدن وە ئاسەوار و مادەی هووشبەر و چەک و ساختەکاری و پویل ساختە لە 3 پارێزگا راگەیان.

لە بەیاننامەیگ وەارەتەگە رەسیە ئاژانس شەفەق نیوز راگەیان " مەفرەزەی وەڕێوەبەرایەتی هەواڵگێری و ئەمن توەنست بازرگانیگ و قاچاخچیەیل ئاسەوار دەسگیربکەێد، کە پویل ئاسەواری وەپی بویە کە وەنیاز بویە لە پارێزگاگە بفروشدێ، رێکارەیل یاسایی وەرانوەری کریا ئەرا لای لایەن پەیوەنیدار کلریاس".

مەفرەزی وەڕێوەبەرایەتیەگە هەمیش بازرگانیگ ، بڵاوکەر مادەی هووشبەر دەسگیرکردن کە بڕیگ مادەی هووشبەر کریستال و کەرەستەیل وەکارهاوردنی وەپی بویە لە پارێزگای بابل، وەپای بەیاننامەگە "دەسگیریاس وەبان مادەگە و توومەتبار ئەرا دادگا کلکریا".

هەمیش، مەفرەزەی وەڕێوەبەرایەتی هەواڵگێری و ئەمن دیوانیە پەنج داواکریاگ دەسگیرکردن وە توومەت بازرگانیکردن وە مادەی هووشبەر و چەک و ساختەکاری، کە فەرمان دادوەر ئەرایان دەرچیبوی وەپای مادەی ( 28 هووشبەر، 24 چەک، 295 ساختەکاری)".

لە بەیاناامەگە وتیش "وەشیوەی یاسایی رادەس لایەنە پەیوەنیدارەیل کریانە" و هەمیش مەفرەزەی وەڕێوەبەرایەتی هەواڵگێری و ئەمن بەغداد چوار داواکریاگ دەسگیرکردن وە توومەت رفانن و ساغەوکردن پویل دروکانی و ساختەکاری" ئاشکەرایکرد "دەسگیرکردنە لە ناوچە جیاوازەیل پایتەخت بویە، لەدویای دەرچگن فەرمان دەسگیرکردن وەرانوەریان".