هەواڵی کوردستان ئێستا

شەفەق نیوز/ فرووشتن دۆلار بانک ناوەندی عراق لە زیایکردن ئاشکرای، ئمڕوو دووشەممە، زیاتر لە 251 ملیۆن دۆلار بویە.

پەیامنێر ئاژانس شەفەق نیوز وت: بانکەگە لە زیایکردن ئاشکرای ئمڕوو  251 ملیۆن و 351 هەزار و 976 دۆلار فرووشت، وە رخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی، و وەرانوەر هەر دۆلاریگ 1310 دینار ئەرا کارت ئەلیکترۆنی و هەواڵی دەرەکی، و وە نرخ کاش رەسیە 1305 دینار ئەرا هەر دۆلاریگ.

پەیامنێر ئاژانسمان وتیش: گەورەترین بڕ فرووشتن دۆلار کە بڕی 241 ملیۆن و 501 هەزار و 976 دۆلار بویە، ئەرا قایمکردن باڵانسەیل دەیشت وڵات وەشیوەی هەواڵە و قەرزکردن، کە رەسێدە 96%ی بڕ فرووشتنی، و بڕ فرووش نەختینەیی رەسیە 9 ملیۆن و 850 هەزار دۆلار.

 پەیامنێرمان وتیش:  14 بانک بەشداری لە داواکارییەیل بەرزکردن باڵانسەیل ئەرا دەیشت وڵات کردنە، یەیش بیجگە لە 14 کۆمپانیای ئاڵوگۆڕ و دەڵاڵی کە بەشداریی لە زیایکردنەکە کردنە.