سەرۆک ئیران رەسێدە بەغداد و سودانی پیشوازی لەلی کەێد
شەفەق نیوز/ مەسعود پزیشکیان سەرۆک ئیران، شەوەکی ئمڕوو چوارشەممە، رەسیە بەغدای پایتەخت، لە ئەنجام مکیسیگ فەرمی وەلایەن محمد شیاع سودانی سەرۆک وەزیرەیل.
یە یەکەمین سەردان دەرەکی وەلایەن پزیشکیان لە وەختیگەو پۆست سەرۆکایەتی کۆمار ئیسلامی ئیران گردبە.
نویسینگەی راگەیانن محمد شیاع سودانی سەرۆک وەزیرەیل لە بەیاننامەی کوڵیگ وت: سودانی لە فڕۆکەخانەی ناودەوڵەتی بەغداد پیشوازی لە پزیشکیان و شاند یاوەری کرد.
پزیشکیان لە بەغدای پایتەخت، ئەوەسا پلەی کەفێدە هەرلە: سەرۆک عراق، موحسن مەندلاوی سەرۆک پەرلەمان وە جینشینی، محمد شیاع سودانی سەرۆک وەزیرەیل، فائق زەیدان سەرۆک ئەنجومەن دادوەری.
ئیوارەی ئمڕوو چوارشەممە، پزیشکیان لە باڵیۆزخانەی ئیران ئامادەی دوو گردەوبوین بوود، یەکەمیان وەرد بازرگانەیل ئیرانی، و دویەمیش وەگەرد مەردم ئیرانی لەناو عراق.
ئیوارەی ئمڕوو، سەرۆک ئیران نیزامی کریەێد لەبان خواردن شام، لەلای هاوپەیمان ئیدارەی دەوڵەت، کە فرەی فراکسیۆنەیل سیاسیە لە پەرلەمان عراق.
سوو پەنجشەممە، پزیشکیان ئەرا نەجەف و کەربەلا چوود، و دویای ئەوە ئەرا بەسرە، و لە پشتی ئەرا هەولێر پایتەخت هەرێم کوردستان.
هەرلە وەزیر دەیشت و وەرگری و بازرگانی و بڕیگ وەزیر ە وەرپرس ئیرانی وە یاوەری پزیشکیان لەی سەردانە هاتنە.
