هەواڵی کوردستان ئێستا

شەفەق نیوز/ ئمڕوو چوارشەممە، شار ناسریە ناوەند پارێزگای زیقار، لە باشوور عراق، لە پلەی یەکەم لیست گەرمترین شارەیل جەهان لە ماوەی 24 ساعەت گوزەشتە بوی.

 ئاژانس شەفەق نیوز وە نووڕین خشتەیگ کرد کە وێستگەی پلاسەرڤیل لە ویلایەت کالیفۆرنیای ئەمریکا بڵاویکردەگە، کە 15 ناوچە و شار لە جەهان هاناوی کە بەرزترین پلەی گەرمی توومارکردنە لەماوەی 24 ساعەت گوزەشتە.

لە خشتەگە دەرکەفتگە، شار ناسریە لە عراق بەرزترین پلەی گەرمی لە جەهان توومارکردگە، کە 50 پلەی سەدی بویە، لە دویای ئەویش شار نەجەف وە 49.2 پلەی سەدی تیەێد، ئیجا شار رفاعی لە پارێزگای زیقار وەخود پلەی گەرما.

 “سافی ئاباد” لە ئیران کەفتە پلەی چوارەم  وە پلەی گەرمی 49.2 سەدی و سەماوە (سەنتەر پارێزگای موسەننا) لە باشوور عراق هاتە پلەی پەنجەم وە پلەی گەرمی 49.1 سەدی.

فڕۆکەخانەی ناودەوڵەتی کوەیت لە کوەیت هاتە پلەی شەشەم وەپلەی گەرمی 48.9 پلەی سەدی، شار عمارە (سەنتەر پارێزگای میسان) لە باشوور عراق پلەی هەفتەم وەدەس هاورد وە پلەی گەرمی 48.8 سەدی، و لە دویای ئەویش شار حەی تیەێد لە پارێزگای واست لە عراق لە پلەی هەشتەم وە پلەی گەرمی 48.6 سەدی، شار کوت (سەنتەر پارێزگای واست) وە 48.5% پلەی سەدی کەفتە پلەی نۆهەم.

فڕۆکەخانەی ناودەوڵەتی بەغدا لە عراق، هاتە پلەی دەهەم وە پلەی گەرمی 48.4 سەدی، ئیجا ناوچەی ئەلعەزیزە لە پارێزگای واست لە عراق لە پلەی 11 تیەێد وە پلەی گەرمی 48.3 سەدی، ئیجا شار فاو لە پارێزگای بەسرە لە باشوور عراق، وەخود پلەی گەرمی هاتە پلەی 12. 

 شار ئامادییە لە ئیران لە پلەی 13هەم تیەێد وە پلەی گەرمی 48.2 سەدی، لە دویای ئەویش شار عبادان لە ئیران وڵ پلەی 14 وە پلەی گەرمی 48.1 سەدی، و لە کۆتایی شاری بەدرە لە پارێزگای واست، لە عراق، ەڵ پلەی گەرمی 48.1 سەدی کەفتە پلەی سیانزەهەم.