هەواڵی کوردستان ئێستا

شەفەق نیوز/ فرووش هەواڵە دەرەکییەیل لە زیایکردن ئاشکرای بانک ناوەندی، ئمڕوو چوارشەممە، وەچەو فرووش نەختینەیی وەریژەی 93% بەرزەوبوین وەرچەویگ توومار کرد و رەسیە زیاتر لە 246 ملیۆن دۆلار.

پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ 262 ملیۆن و 943 هەزار و 208 دۆلار فرووشت، وە نرخی بنەڕەتی 1310 دینار ئەرا هەر دۆلاریگ ئەرا کرێدیت بەڵگەنامەیی و یەکلاییکردن ناودەوڵەتی ئەرا کارت ئەلیکترۆنی، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و 1305 دینار ئەرا هەر دۆلاریگ وە شیوەی کاش.

فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 246 ملیۆن و 543 هەزار و 208 دۆلار بویە، کە وەڕیژەی 93% زیادیکردگە وەچەو فرووش نەختینەیی کە 16 ملیۆن و 400 هەزار دۆلار بویە.

پەیامنێرمان وتیش: کە ئەو بانکەیلە کە دۆلار کاش سەننە تەنیا یەک بانک بوی، و چمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو  لە دەیشت وڵات رەسیەسە 13 بانک، و 10 کۆمپانیای ئاڵوگۆڕکردن بەشداری لە زیادکردنەگە کردنە.