ئەمریکا هەڕەشەی ئەو میلیشیایلە دەێد کە پەلامار دەزگایگ دیبلۆماسیی لە بەغداد دانە
شەفەق نیوز/ باڵیۆزخانەی ئەمریکا لە عراق، ئمڕوو جمعە، وت: میلیشیایل هاوپەیمان ئیران، رووژ سێشەممەی گوزەشتە پەلاماریگ وەبان دەزگایگ دیبلۆماسیی سەروە ئەمریکا لە بەغداد پایتەخت جیوەجی کردن، و دووارە داوای مقیەتیکردن دیبلۆماسیەیل و هاوپەیمان ناودەوڵەتی لە حکومەت عراق کرد.
قسەکەر باڵیۆزخانەی ئەمریکا لە بەیاننامەیگ وت: لە رووژ سێشەممە 10ی ئەیلوول، پەلامار کۆمەڵگەی پشتگیریکردن دیبلۆماسی لە بەغداد دریا، کە دەزگایگ دیبلۆماسیی ئەمریکیە، و خوەشبەختانە خەوەر لە کەفتن زەخمداری نەڕەسی.
وتیش: بەڵگەیل نشان دەن کە پەلامارەگە وەلایەن میلیشیایل یارتا ئیران جیوەجی کریاس، کە وە ئازادی لەناو عراق کار کەن.
هەمیش وت: چەن جاریگ حکومەت عەراق باس پابەندیی وە پاراستن شاندەیل دیبلۆماسی و کەسەیل سەربازی ئەمریکا کرد، کە وە داوای خوەی هانە ناو وڵاتەگە، و دووارە داوا لە حکومەت عراق کرد مقیەتی کەسەیل هاوبەش لە دیبلۆماسیەیل و هاوپەیمانی و دامودەزگایلیان بکەێد.
لە کۆتایی وتیش: ئیمە دووپات کەیمن کە ماف وەرگریکردن لە خوەمان و پاراستن کەسەیلمان لە هەر شوینیگ لە جەهان دیریمن.
