هەواڵی کوردستان ئێستا

شەفەق نیوز/ سەرچەوەیگ لە پولیس، ئمڕوو یەکشەممە، خەوەردا لە کوشیان کەسیگ و زەخمداری سێ کەس ترەک لەناو وەردەوەردەیگ چەکدار لە شار کازمیەی بەغداد پایتەخت.

سەرچەوەگە ئەرا ئاژانس شەفەق نیوز وت: وەردەوەردەیگ کەفتە ناوەین چەن کەسیگ و رەسیە وەکارهاوردن چەک سووک  و کەرەستەیل بیناسازی لە ناوچەی کازمیە.

وتیش: رویداوەگە بویە هوکار کوشیان کەسیگ کە لە وەزارەت ناوخۆ کار کەێد، و زەخمداری سێ کەس ترەک، وتیش: یەکیگ لەو زەخمدارەیلە فەرمانبەرە لە وەزارەت رووشنهویری، و یەکیگیش ئەفسەر خانەنشینە وە پلەی رائد.

وەگورەی سەرچەوەگە گشت لایەنەیل مرافەگە دەسگیر کریان، و تەرم کوشیایەگە ئەرا پزشک دادوەری بریا.