هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداری ئەفسەریگ و ئەندامیگ ئەمنی لە پولیس فیدڕاڵی، لە ئەنجام تەقەکردن وەلایەن کەسیگ نەناسیای مەوقەی پەلامارداین دیوەخانیگ تیرۆریستەیل لە سامەڕا.

سەرچەوەگە ئەرا ئاژانس شەفەق نیوز وت: هیزیگ ئەمنی لە پولیس فیدڕاڵی، کەفتە وەر تەقەکردن وەلایەن سەرچەوەیگ نادیار، مەوقەی جیوەجیکردن ئەرک ئەمنی لە ناوچەی کووش/ کەرت ئۆپراسیۆنەیل سامەڕا.

سەرچەوەگە وتیش: ئەرکەگە وەشکین ناوچەگە بوی کە لەناوی دیوەخانیگ هن یەکیگ لە تیرۆریستەیل وەناو (ئەبو مەهدي ئەلبازي) پەیا کریا، کە خوەراک لەناوی بوی.

دیاری کرد کە تەقەکردنەگە بویە هوکار زەخمداری ئەفسەریگ و ئەندامیگ ئەمنی، کە هەردوگیان ئەرا خەسەخانە بریان، و دووپات کرد کە ئەرک مینەکردن تەقەکەرەگە وەردەوامە.