باشوور عراق لە گەرمی ئاسوودە بوود.. کەشوهەوای وڵاتەگە لەی هەفتە
2024-09-24 11:35:08 - سەرچاوە: شەفەق نیوز
شەفەق نیوز/ نەخشەیل کەشوهەوای عراق، نشان دەن کە لەماوەی ئی هەفتە کەشوهەوا ئارامە، و پلەی گەرمی لە بەشەیل کەورەیگ لە وڵاتەگە کەمتر لە 40 پلەی سەدی مینێد.
وەگورەی پسپۆڕەیل کەشناسی، کەشوهەوای عێلی لەی هەفتە، ئاڵشت فرەیگ نیەووود، و پلەی گەرمی شەوانە وەشیوەی گشتی نزمەو بوود، و ناوچەیل باشوور لە گەرمیە سەختەگە ئاسوودە بوون.
پارچە وای هوونک لە رووژ چوارشەممەو وەرەو باشوور چوود، کە کەشوهەوا لەی هەفتە ئارام بوود، و پلەی گەرمی لەخوار 40 پلەی سەدی مینێد.
لە ناوچەیل باکوور و بیاوان خوەرئاوا پلەی گەرمی رەسێدە ناوڕاس سیەیل، و لە بەرازیەیل و لە بان سنوور سوریا و ئوردن لەوە کەمترە.
یەیش وەگەرد ئەوە تیەێد کە شەوانە لە رووژ درویژترەو بوود، کە وەختیگ زیاتر ئەرا نزیکەوکردن گەرمی وەپی دەێد.
