هەواڵی کوردستان ئێستا

شەفەق نیوز/ سەرچەوەیگ ئەمنی لە زیقار، ئمڕوو جمعە، خەوەردا لە کوشیان دادوەریگ و زەخمداری کەسەیل خیزانەگەی، لە ئەنجام رویداویگ هاتوچو خوەرئاوای شار ناسریە.

سەرچەوەگە ئەرا ئاژانس شەفەق نیوز وت: رویداویگ هاتوچو دڵتەزن لەبان ری ناودەوڵەتی ناوەین زیقار و موسەنا، بویە هوکار کوشیان دادوەر دادگای لێکۆڵینەوەی ناسریە، عەقیل سەعیدی، و زەخمداری ژنەگەی و سێ مناڵەگەی.

سەرچەوەگە دیاری کرد کە سەعیدی وەگەرد خیزانەگەب لە دەیشت عراق بوین، مەوقەی گلەوخواردنیان تویش ئی رویداوە هاتن، وتیش: تەرمەگەی ئەرا پزشک دادوەری بریا، و زەخمدارەیل ئەرا خەسەخانە.