خوەیکوشتن گەنجیگ و زەخمداری لە کەسەیلیگ لەناو وەردەوەردەیگ چەکدار و دەسگیرکردن توومەتبارەیلیگ لە بەغدا
شەفەق نیوز/ سەرچەوەیلیگ ئەمنی و فەرمی، ئمڕوو دووشەممە، خەوەرد6لە خوەیکوشتن گەنجیگ و زەخمداری چەن کەسیگ لەناو وەردەوەردەیگ چەکدار و دەسگیرکردن چەن توومەتباریگ لە بەغدای پایتەخت.
سەرچەوەیگ ئەمنی ئەرا ئاژانس شەفەق نیوز وت: گەنجیگ لەداڵگبوی ساڵ 2005 خوەی دادە سێدارە وە پەتیگ وەقەی پانکەی قەواسەگە لەناو ماڵەگەی لە ناوچەی بەلەدیات خوەرهەڵات بەغداد، وەگورەی قسەی باوانی زیان دەروینی دیرێد.
هەمیش لە بەغدا، سەرچەوەگە دیاری کرد کە دەمەقاڵیگ کەفتە ناوەین دوو کەس، یەکیگیان ئەندامە لە حەشد شەعبی، رەسیە وەردەوەردە و وەکارهاوردن چەک سووک، کە بویە هوکار زەخمداری هەردوگیان لە ناوچەی سویب خوەرئاوای پایتەخت، و هەردوگیان لەناو خەسەخانە خریانە ژیر چەو پولیس.
هەرلیوا، مەفرەزەیل فەرماندەیی ئۆپراسیۆنەیل بەغداد، بڕیگ لە توومەتبارەیل دەسگیر کرد، دووان لەلییان 600 پاکەت دەرمان وەپی بویە، و ئەوەکە فایەل ماشین مەفەفێست وەبی خاوەن وەپی بویە.
وتیش: کەسەیلیگ ترەک دەسگیر کریان، وە تاوانەیل فرووشتن و وەکارهاوردن هووشبەری، و هەڵگردن چەک بیموڵەتر و دەسناین وەبان شەش دەوانچە، و یەک تفەنگ، وەگەرد بڕیگ مادەی هووشبەر، و بڕیگ ماشین و ماتووڕسکڵ.
هەرلیوا، مەفرەزەیل دژە تاوان بەغداد توومەتباریگ دەسگیر کرد وە توومەت سەنین خانمە کراکارەیل بیگانە و تونوتیژی وەگەردیان.
