چیرووک شیتیگ وەگەرد پاتشا
هاوژین پاتشاێگ یەێ شێتێ دی ، کە وەپەسا وەگەرد مناڵەیلا یاری (بازی) کەێ و وەگەرد کلگێ وەبان زەۊ کڕ کیشیاد
پرسی : چە کەی ؟
وەت : ماڵ سازم
پرسی : ئی ماڵە فرووشی ؟
وەت : ئەرێ فروشمەێ .
پرسیار کرد : نرخێ چەنێگە ؟
شێتە وەت وەقەێر فرەێگ پۊل !
هاوژین پاتشا فەرمان دا کە ئەو پۊلە ک شێتە تواێ، بێەنە پێ
شێتە پۊلە سەن و برد وەناو هەژارەیل بەشیا کرد.
پاتشا شەو خەو دی کە چیەسە ناو بەهیشت، ڕەسیە ماڵێ تواس بچوودە ناو ئەمانێ نەیشتنەێ وەتنە پێ : ئی ماڵە هن هاوژینەگەدە !!!ْ...
ئی ڕووژەگە پاتشا ئەو ڕووداوە لە هاوژینێ پرسی؛
هاوژینەێ چیرووک ئەو شێتە ئەڕاێ گەپ دا !
پاتشایش چیەڕا لاێ شێتە دی کە وەگەرد مناڵەیلا وەپەسا یاری کەێ و ماڵ سازێ.
وەت : ئی ماڵە فروشی ؟
شێتە وەت : ئەرێ فروشمەێ.
پاتشا پرسی :
نرخێ چەنێگە ؟
شێتە نرخێ وەت کە وەناو دونیا نەۊ !
پاتشا وەت : وە هاوژینەم نرخ کەمێ فرەتیدە !
شێتە خەنێ و وەت : هاوژینەد نەدید سەن وەلێ تو دیدەو سێنی !!!
وەناو ئی دوو مژارە، جیاوازی فرەس!!!..
وەلیفەت کارەیل خاس وەیەسە ک ئەڕا ڕزاێ خودا بوو نەگ مامڵە وەگەرد خودا..
ملیاردها تمەن خەرج کەیم تا نەزری بێەیم....
و لە ئاخرا ئارزوو شەفا ئەڕا ناخوەشێ دیریم کە وەخاتر نێاشتن پۊل دەرمان مرێ.
هەڵگەردان: سادق جەلیلیان
