کوشیان و زەخمداری 14 کەس وە دوو رویداو هاتوچو لە ئەنبار.. ڤیدیۆ
2024-10-07 15:45:21 - سەرچاوە: شەفەق نیوز
شەفەق نیوز/ سەرچەوەیگ ئەمنی لە ئەنبار، ئمڕوو دووشەممە، خەوەردان لە کوشیان و زەخمداری 14 کەس، سێ خوەنەوار زانکۆ هاناویان، وە دوو رویداو هاتوچو.
سەرچەوەگە ئەرا ئاژانس شەفەق نیوز وت: ماشینیگ سێ خوەنەوار زانکۆ لەناوی بوین، تویش رویداویگ هاتوچو هات، کە دیار نییە ئەگەر داگە لە چشتیگ لەبان ری سەرەکی ناودەوڵەتی یا پلیاس، و ئاگر لەلی هیز گردیە، و گشت خوەنەوارەیل کوشیانە.
دیاری کرد کە رویداویگ ترەک دویەشەو کەفتە ناوەین سێ ماشین لەبان ری سەرەکی ناودەوڵەتی، بویە هوکار زەخمداری 11 کەسر ئەرا خەسەخانەی فەلوجە بریان.
سەرچەوەگە وتیش؛ هەردوگ رویداوەگە لەئەنجامی تونی رانین بویە.
