هەواڵی کوردستان ئێستا

شەفەق نیوز/ سەرچەوەیگ ئەمنی لە پارێزگای زیقار باشوور عراق، شەوەکی ئمڕوو چوارشەممە، خەوەردا لە تەقەکردن وەرد بازرگانیگ مادەی هووشبەر لە باکوور شار ناسڕیە ناوەن پارێزگاگە رەسیەس ئەرا زەخمداریبوین لەناو رز هێزە ئەمنیەیل.

سەرچەوەگە وە ئاژانس شەفەق نیوز راگەیان، " شەوەکی ئمڕوو، تەقەکردن وەرد یەکیگ لە بازرگانەیل مادەیل هووشبەر دروسبویە لە ناوچەی شۆمەلی لە قەزای شەترە باکوور پارێزگای زیقار، لە ئەنجام دوو ئەندام ئەمنی بەش بەڕەنگاربوینەوەی مادەی هووشبەر شەترە زەخمداربوینە، توومەتبار داواکریاگ تویش زەخمداری سەختیگ بویە".

وتیش؛ "زەخمدارەیل ئەندامەیل هێز ئەمنین و ئەرا چارەسەر کلکریانەس خەستەخانە، بازرگان مادە هووشبەرەگەیش دەسگیرکریاس و ئەرا خەسخانە بریا و هالەژێر پاسەوانیکردن ئەمنی تونیگ".