هەواڵی کوردستان ئێستا

شەفەق نیوز/ پولیس ئوسترالیا راگەیان کە پیاییگ خاوەن 8 مناڵ لەشی پارچە پارچە کریا، وەدەس ژنەگەی، دویای ئەو. کە ئاگادار بویە کە شویەگەی ژنیگ ترەک دیرێد و پویل ئەرای  کلکەێد.

پولیس نیو ساوت وێڵز وت: نیرمین نەوفەڵ (53 ساڵان) لاشەی شویەگەی مەمدووح نەوفەل وە هەڕەی کارەبایی و چەقوو کوتکوتەو کردیە، ئیجا خستیەسەی ناو کیسەی پلاستیک.

وتنە کە ئەو ژن و شویڵ کەفتنە دەمەقاڵ و وەردەوەردەی تونیگ لە 3ی ئایار 2023، دویای ئەوەگ نیرمین ئاگادار بویە کە شویەگەی ژنیگ ترەک لە وڵات میسر دیرێد.

لە دویای ئەوە وە چەن هەفتەیگ، نیرمین وە مۆبایل شویەگەی و لەبان ماڵپەڕەیلی لە سۆشیال میدیا چشتەیلیگ بڵاو کرد، تا نشان بەێد شویەگەی زنیە.

رووژنامەی دەیلی تەلەگراف بەریتانی وت: نیرمین وە مۆبایل شویەگەی تەلەفۆن ژنەگە لە میسر کردگە، و داوای ئەو پویلە کردگە کە شویەگەی ئەرای کلی کردگە.

رووژ پەنجشەممە، لەناو خەسەخانەیگ لە بانکستاون ژنەگە دەسگیر کریا، کە بیمار بویە و لەورا خەفتوێد.

پولیس لە کۆنگرەیگ رووژنامەوانی وت: ماڵ ئەو خبزانە وەشیوەی گەورەیگ پاکەو کریاس، و پارچەیلیگ لە زەویەگە پووشیاس.

و باس ئەو تاوان کوشتنە کرد کە وەحشیانە و رخدار و ئەڵاجەوی بویە.

راپۆرتەیل نشان دەن کە نیرمین وە مناڵەیلی و برادەرەیلی و باوانی وتیە شویەگەی ئەرا میسر چگە.

ئیرنگە نیرمین هاناو زیندان، و چەوەڕی دادکاری لە بوروود کەێد لە کانوون یەکەم ئایندە.

 سەرچەوە: سكای نيوز