کوشتن داواکریاگەیل وە توومەت مادەی هووشبەر لە ئۆپراسیۆنیگ ئەمنی لەناوڕاس بەغداد
2024-10-10 10:50:20 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا هێزە ئەمنیەیل ئۆپراسیۆنیگ ئەمنی کە لە ناوچەی باب ئەلشێخ لەناوڕاس شار بەغداد جیوەجی کریا، لە ئەنجام دوو داواکریاگ وەپای مادەی 28 پەیوەنیدار وە مادەی هووشدار کوشیان.
سەرچەوەگە وە ئاژانس شەفەق نیوز وت: "هێزە ئەمنیەیل چگنەس ناو ناوچەی باب ئەلشێخ ئەرا جیوەجیکردن ئۆپراسیۆنیگ دەسگیرکردن دوو کەس داواکریاگ وە توومەت بازرگانیکردن وە مادەی هووشبەر، وەبی هەماهەنگی پێشینە وەرد کەرت زەمینی ناوچەگە".
وتیش؛ "دوو کەسەگە تەقەلای واین دانە هەنای چەوریان وە هێزە ئەمایەیل کەفتیە، هێزەیلە ناچارکردنە تەقە لەلیان بکەن و زەخمداربوون".
دیاریکرد "زەخمدارەیلە ئەرا چارەسەرکردن کلکریانەس خەستەخانە باوجی لەورا لەوەر کاریگەری زەخمداریەگەیان گیان لەدەسدان".
