هووکار تاڵی ناو دەم
شەفەق نیوز/ تام تاڵی لەدەم وە دیاردەیگ بیزارکەر دانرێد، گاجاریگ وە تایوەت کە دوارەوبوود یا چەن رووژیگ یەک لەدويای یەک وەردەوام بوود.
لە باوەتیگ لە "روسیا تودەی" هاتیە، پزیشکەیل دیاریکەن، هەستکردن وە تام تێڵی دەم ئەرا یەکەمجار هەوەجە وە گرنگیدان نییە، باوجی ئەگەر ئەرا چەن رووژیگ وەردەوام بوی جی نیگەرانییە و و هەوەجە کەێد هووکار و چارەسەری دیاری بکرێد.
وە قسەی پزیشکەیل، یەکەم هووکار دەرکەفتن تاڵ دەم بریتیە لە خواردن خوەراک چەور و برشیاگ و خواردنەیل گازی و زیایچگن لە خواردنەیل کحولی و چای و قاوە، چونکە گاڵدەردن ئەرا دەرداین مدەی زەرداو کە بوودە هووکار دەرکەفتن تام تاڵی لە دەم.
هووکار تریش بریتیە لە خواردن دەرمان ئەرا ماوەی فرەیگ جویر دژە زیندەیی و دژە هیستامین و دەرمان چارەسەر زراو و شەکرە و تەنانەت حەب کۆنتڕۆڵ زایین کە بوودە هووکار دروسبوین تام تاڵی لەدەم.
