لە ماوەی 24 ساعەت.. تاسیان 10 کەس نوو وە غاز کلۆر توومارکریا لە دیالە
شەفەق نیوز/ سەرچەوەیگ ئەمنی لە دیالە،ئیوارەی ئمڕوو یەکشەممە، خەوەردا دەیان حالەت تاسیان وە دزەکردن غاز کلۆر توومارکریاس لەناو کۆمەڵەیگ ئاو لە باشوور خوەرئاوای بەعقوبە، یە دویەم رویداو لەی جویرەس لە ماوەی 24 ساعەت.
سەرچەوەگە وە ئاژانس شەفەق نیوز وت، لەوەخت بەرزەوکردن قنینەیل غاز کلۆر کە لەناو کۆمەڵگەی ئاو بەنی سەعەد ئەممار کریابوین لە باشوور خوەرئاوای بەعقوبە، یەکیگ لە قنینەیل دزە لەلیکردیە بویەسە مدوو حالەت تاسیان کراکارەیل و فەرمانبەرەیل و دوو ئەندام وەرگیری شارستانی کە لەو شوینە بوینە".
وتیش؛ "تویشهاتگەیل ئەرا خەستەخانەی بەعقوبە کلکریانە و ئیرنگە کۆنترۆل حالەتەگە کریاس و ناوچەگە لە قنینەیل کوەنە چووڵەو کریاگە".
دویەشەو شەممە، سەرچەوەیگ ناوخۆەیی لە پارێزگای دیالە وە ئاژانس شەفەق نیوز خەوەردا هێزەیل پۆلیس خەوەردار کریانە لە رویداویگ دزەکردن مادەی کلۆر لەناو پرۆژەی ئاو بەنی سەعەد ناوەندی و ئەرا شوین رویداوەگە گنە وەرد مەفرەزەی وەرگیری شارستانی.
