دەسگیرکردن سڵاکار پارێزگار زیقار وە توومەت تیرۆر
2024-10-14 13:55:19 - سەرچاوە: شەفەق نیوز
شەفەق نیوز/ سەرچەوەیگ ئەمنی لە پارێزگای زیقار، ئمڕوو دووشەممە، خەوەردا کە هیزیگ ئەمنی لە دەزگای دژە تیرۆر سڵاکار پارێزگار زیقار ئەرا کاروبار زەخمدارەیل خوەینشاندان، عەلی مەهدی عەجیل دەسگیر کرد.
سەرچەوەگە ئەرا ئاژانس شەفەق نیوز دیاری کرد کە دەسگیرەگە وە توومەت سەرپەرشتیاری خوەینشاندان وەبان پارێزگاگە وەرجە پەنج ساڵ هات، ئیجا دەسناین وەبان قەرەبوو زەخمدارەیل خوەینشاندان.
وتیش: عەجیل بەشداری اە خوەینشاندان ساڵ 2019 کردگە کە ناسیاس وە راپەڕین تشرین، وتیش: یاداشت دەسگیرکردنی وە توومەت 4 تیرۆر بویە.
