هەواڵی کوردستان ئێستا

شەفەق نیوز/  ئەنجومەن داد باڵا، ئمڕوو پەنجشەممە،  ئامار پسای زەواج و جیابوینەوە لە سەرانسەر عراق بڵاوکرد بیجگە لە هەرێم کوردستان ئەرا مانگ ئەیلوول وەرین، بەغدای پایتەخت ها لە لوتکەی پارێزگایەیل، موسەنا لە ئامارەگە کەمترین رێژەی زەواج و جیابوینەوە دیرێد. 

ئەنجومەنەگە لە ئاماریگ کە ئاژانس شەفەق نیوز نوڕیە وەپی راگەیان، گرێبەستەیل زەواج لە دادگا ئەنجامدریانە وو ئەو گرێبەستەیلە لەلای رەسافە و کەرخ لە بەغداد ئەنجامدریانە رەسیەس ئەرا 8215 گرێبەست، حالەتەیل توومارکردن جیابوینەوە لە دەێشت و لە دادگا رەسیەس ئەرا 2194 حالەت.

لەهەمان وەخت پارێزگای موسەنا کەمترین گرێبەست زەواج دیرێد کە لە دادگا ئەنجامدریاس یا توومارکریاس کە رەسیە 613 گرێبەست و 139 حالەت جیابوینەوە.