پەیاکردن تەرم ژنیگ و زەخمداری دوو کەس وە پەلامارداین چەکداری لە باشوور عراق
شەفەق نیوز/ سەرچەوەیگ ئەمنی لە پارێزگای زیقار باشوور عراق، ئمڕوو پەنجشەممە، خەوەردا شمارەیگ رویداو ئەمنی لە پارێزگاگە توومارکردنە لەناویانیش پەیاکردن تەرم ژنیگ لە باکوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز راگەیان، "لە وەخت کارەیل چاڵکەنین ئەرا جیاوکردن پارچە زەویلە و بەشەوکردنی لە قەزای شەترە باکوور شار ناسڕیە ناوەن پارێزگاگە، دەسڵاتدارەیل ئەمنی تەرم ژنیگ وە کوشیاگی پەیاکردن" وتیش " وەپای زانیارەیل سەرەتایی رویداوەگە کاریگ وە ئەنقەست بویە وە هووکار (پاکەوکردن شەرەف)، تەرمەگە ئەرا پزیشک دادوەری کلکریا ئەرا تەواوکردن رێکارەیل یاسایی".
وتیش "چەکدارەیل لەناو ماشینیگ لە جویر (سەر بارهەڵگر) لەدویای ئەوەگ زیایڕۆیی کردنە وەبان چەن بازگەیگ ئەمنی لە قەزای شەترە، تەقەلە دوو هاوڵاتی کەن لەناوچەی (ئەلبوهان) هەردووگیان زەخمدارکەن، هووکار ئێ تاوانە نەزارنریاگە، دووپاکرد "هێزە ئەمنیەیل لەوەخت دەسگیرکردنیاۆ ماشینیگ پەیاکردن کە لەکارکەفتیە".
