هەواڵی کوردستان ئێستا

شەفەق نیوز/ سەرچەوەیگ ئەمنی لە زیقار، ئمڕوو دووشەممە، خەوەردا لە توومارکردن دوو رویداو ئەمنی یەکیگیان خوەیکوشتن پولیسیگ لەناو رەوشەیل ناودیاریگ لە باکوور شار ناسریە.

سەرچەوەگە ئەرا ئاژانس شەفەق نیوز وت: رویداویگ هاتوچو لەبان رییگ نزیک نەهر قائد خوەرهەڵات شار ناسریە، ناوەین ماتووڕسکڵیگ ستووتە و ماشینیگ تیکڵاکردن چیمەنتۆ، بویە هوکار کوشیان کەسیگ و زەخمداری سێ کەس ترەک گشتیان لە یەک بنەماڵەن.

 وتیش: تەرمەگە ئەرا پزشک دادوەری بریا و زەخمدارەیل ئەرا خەسەخانە و لێکۆڵینەوە لە رویداوەگە واز کریا.

لەلاییگ ترەک، سەرچەوەگە وتیش: هیزەیل ئەمنی خوەیکوشتن پولیسیگ لەناو تەمەن چل ساڵە وە دەوانچە نزیک حسێنیەیگ لەبان ری غابات ناوەین دیوانیە و زیقار توومار کردن، کە رەوشەیل ئەو خوەیکوشتنە نادیارە، وتیش: ئەو کابرا کە خوەی کوشتیە کوڕ شێخ گشتی هووزەیل ئال حەمیدە.