سوپای ئیسرائیل نواگیریکردن دوو دڕۆن راگەینێد و میلیشیایل عراق خاوەنداریەتییان کەن
شەفەق نیوز/ سوپای ئیسرائیل، شەوەکی ئمڕوو چوارشەممە، نواگیریکردن دوو فڕۆکەی بێفڕۆکەوان راگەیان کە لە خوەرهەڵاتەو وەشیانە، و چگنە بان ئاو ئیسرائیل لە ناوچەی ئیلات.
وەرخودان ئیسلامی لە عراق لە بەیاننامەیگ راگەیان کە شەفەق چوارشەممە، شوینیگ گرنگ لە ئیلات وە فڕۆکەی بێفڕۆکەوان کردیەسە ئامانج.
بەیاننامەگە دووپات لە وەردەوامی باڵەیل چەکدار لە جیوەجیکردن پەلامارەیل وەبان ئیسرائیل وەشیوەی بەرزیگ کرد.
لەی مانگەیل دویاییە، وەرخودان جیوەجیکردن پەلامارەیلی وە فڕۆکەیل بیفرۆکەوان وەبان ئامانجەیلیگ لە ئیسرائیل راگەیان، لە پشت جەنگ غەززە.
لە مانگ نیسان و تا ئیسە، ئیسرائیل دووپات لە چەن پەلاماریگ ئاسمانی لەلای خوەرهەڵاتەو کرد، وەبی توومەتبارکردن لایەنیگ، و چەن جاریگ نواگیریکردن دڕۆنەیل لە دەیشت ئاسمان خوەی راگەیان.
بالە چەکدارەیل هەمیش دەیان پەلامار وەبان هیزەیل ئەمریکا لە عراق و سوریا لە چوارچیوەی هاوپەیمان ناودەوڵەتی دژوە ریخریاگ داعش جیوەجی کردن.
