هەواڵی کوردستان ئێستا

شەفەق نیوز/ فەرماندەی پولیس میسان، لیوا لەفتە فاخر محمداوی، ئمڕوو جمعە، ئازادکردن دویەتیگ خەڵک پارێزگای نەجەف راگەیان، ئەوەیش دویای زیاتر لە دوو ساڵ لە رفیانی، و هاوردنی ئەرا قەزای مەیموونە.

محمداوی لە بەیاننامەیگ رەسیە ئاژانس شەفەق نیوز وت: زانیاری هویرد ئەرامان رەسیە لەبان دویەتیگ خەڵک پارێزگای نەجەف، وەرجە زیاتر لە دوو ساڵ رفیاس، و دەرکەفت کە لە یەکیگ لە ناوچەی قەزای مەیموونە باشوور خوەرئاوای میسان زیندانی کریاس.

وتیش: هیزیگ ئەمنی لە بەش پولیس مەیموونە و سوپای عراق و فەرماندەیی ئۆپراسیۆنەیل و دژە تیرۆر و بەش ئاسایش تاکەیل و بەش دژە تاوان مەیموونە دویای وەرگردن مووڵەت دادوەری، چگنە ناو ئەو ماڵە کە دویەتەگە لەناوی گیر هاوریاس، و ئازادی کرد، وەبی هویچ رویداویگ.

محمداوی وتیش: هیزەگە نەڕەسیە ئەو توومەتبارە کە لەبان رفیانەگە، چوینکە لەمڵەگە نەویە، و ناو دریا خاڵەیل وەشکین ئەرا دەسگیرکردنی.